Misaka sa mas taas nga dapit ang Filipina tennis star nga si Alex Eala sa pinakabag-ong rankings sa Women’s Tennis Association (WTA) human sa iyang kampanya sa Madrid Open.
Gikan sa No. 44, nisaka si Eala sa ika-42 nga dapit sa singles rankings human makasulod sa second round sa torneo, diin nakakuha siya og dugang 35 puntos alang sa kinatibuk-ang 1,285 points.
Sa iyang kampanya, gipildi ni Eala si Anastasia Pavlyuchenkova sa first round sa iskor nga 6-3, 6-3, sa wala pa siya napildi ni Elise Mertens sa second round, 2-6, 1-6.
Sa doubles usab, nakigpares si Eala kang Zeynep Sonmez diin nakaabot sila sa second round. Ilang gipildi sila si Chan Hao-ching ug Fanny Stollar sa first round, 6-2, 6-2, sa wala pa sila moyukbo nila ni Katerina Siniakova ug Taylor Townsend sa second round.
Tungod sa iyang nindot nga performance, nakakuha si Eala og 120 puntos sa doubles nga nagpataas kaniya ngadto sa iyang career-high nga No. 88 sa rankings, gikan sa kaniadto nga No. 99.
Kasamtangang anaa sa Rome si Eala aron pangandaman ang iyang pagsalmot sa Italian Open.
Photo courtesy:Manila Bulletin
