Padayon nga gipakusgan sa Office of Civil Defense (OCD) ang ilang mga paningkamot human sa nahitabong ashfall gikan sa Mount Mayon sa Albay.
Ang maong insidente nakaapekto na sa 52 ka barangay sa tulo ka lugar ug gitaho sa ahensya nga nitabang na sa clearing operations ang mga personahe sa Bureau of Fire Protection, Department of Public Works and Highways, ug Philippine National Police aron mapadali ang pagsulod sa mga motorila ug aron usab masiguro ang ilang kaluwasan.
Dugang pa niini, ang road clearing, distribution sa face masks, tubig, ug koordinasyon sa mga ahensya nagpadayon samtang ang bulkan nagpabilin sa Alert Level 3. Gipatuman usab ang mga protocols lakip na ang pagdili sa pagsulod sa 6-kilometer Permanent Danger Zone.
Sa pikas bahin, nagpahinumdom usab ang PHIVOLCS sa hulga sa rockfalls, lava flows, pyroclastic density currents, lakip na ang pagbuto ug lahar gikan sa bulkan ilabina panahon sa kusog ang pagbundak sa ulan.
Photo Courtesy: Inquirer
