Nakarekord og kapin sa duha ka milyon ka mga fans ang mitambong sa konsyerto sa Colombian pop star nga si Shakira sa Brazil, sumala sa mga opisyal sa Rio de Janeiro. Gipahigayon ang maong dako nga event sa Copacabana Beach, nga giingon nga napuno kaayo tungod sa gidaghanon sa mga nanambong.
Giisip kini nga pinakadakong konsyerto sa tibuok karera ni Shakira. Ang lokal nga gobyerno sa Rio nagtan-aw sa pag-host og mga internasyonal nga konsyerto isip paagi sa pagdasig sa turismo ug pagdani og dugang bisita sa nasud.
Lakip sa mga nangaging artists nga nakadani og milyon-milyon ka fans mao sila Madonna ug Lady Gaga. Sumala sa mga report, ang 49-anyos nga singer nagpasalamat sa walay hunong nga suporta sa iyang mga fans sa maong event.
Gibanabana usab sa mga awtoridad sa Brazil nga ang konsyerto nakahatag og kita nga mokabat sa $161.45 milyon. Ang pasundayag kabahin sa “Todo Mundo no Rio” nga kalihukan nga ginahimo matag bulan sa Mayo.
Photo Courtesy: BBC
