Nakabalhin na sa ilang bag-ong opisina ang Department of Labor and Employment (DOLE) Davao de Oro Mayo 4, 2026. Ang maong building nahimutang mismo sa likod sa kapitolyo sa Barangay Cabidianan, lungsod sa Nabunturan.
Sa eksklusibong pakighinabi sa Juander Radyo Nabunturan News Team ni Lym Relampagos Ongoy, gipadayag sa Labor Information Officer sa DOLE Davao de Oro nga ang bag-ong building adunay kantidad nga 35 milyones ka pesos.
Mapasalamaton ang opisina sa bag-ong pasilidad tungod kay makatabang kini sa paghatag og mas episyenteng serbisyo alang sa katawhan.
Dugang pa niya, pila na ka tuig nga nagrenta lamang ang DOLE Davao de Oro, apan karon nakaangkon na sila og mas dako ug kaugalingong opisina nga makasulbad sa panginahanglan sa mas daghang kliyente nga may kalabutan sa labor ug employment.
