Nadakpan sa mga kapulisan ang usa ka wanted nga indibidwal atol sa gikasang operasyon didto sa Barangay Pichon, Caraga, Davao Oriental niadtong Mayo 3, 2026.
Ang suspetsado naila nga si alyas “Jud,” 27-anyos, gikonsidera nga Top 6 Most Wanted Person sa Regional Level ug Top 4 Most Wanted Person sa City Level.
Naaresto ang suspek pinaagi sa pagpatuman sa warrant of arrest alang sa kasong duha ka ihap sa statutory rape nga walay pyansang girekomendar ang korte ug duha ka ihap sa acts of lasciviousness, ubos sa RA 7610 kun Special Protection of Children Against Abuse, Exploitation and Discrimination Act.
Sa pagkakaron ang dinakpan gikustodiya na sa kapulisan alang sa tukmang disposisyon.
Photo Courtesy: DCPO
