Gipahibalo sa magtiayong Shaira Diaz ug EA Guzman nga andam na silang mosulod sa sunod nga yugto sa ilang kinabuhi isip magtiayon ang pagbuo og pamilya.
Sa usa ka interview sa programa nga Unang Hirit, gibutyag ni Shaira nga usa sa iyang pinaka-wish sa iyang birthday niadtong Mayo 3, 2026, mao ang magka-baby na sila ni EA. Sumala niya, murag sakto na ang panahon aron mag-focus sa ilang pamilya human sa ilang kasal ug busy nga karera sa showbiz.
Miuyon usab si EA sa maong plano ug nagpakita sa iyang excitement nga mahimong amahan. Giingon niya nga pareho silang emotionally ug mentally ready sa responsibilidad sa pagka-ginikanan.
Gidugang pa sa magtiayon nga wala sila nagdali, apan bukas sila sa posibilidad nga mahitabo kini sa hustong panahon.
Photo Courtesy: GMA Network
