Nagpadayon ang search-and-rescue operation sa US ug uban pang mga kaalyado human nawala ang duha ka mga US service members atol sa usa ka military training exercise nga gihimo sa Cap Draa Training Area sa Southwestern Morocco, niadtong Sabado.
Sumala sa mga opisyal sa US, dako ang posibilidad nga nahulog ang duha ka sundalo ngadto sa dagat gikan sa mga pangpang ug walay indikasyon nga adunay kalabotan sa terorismo ang insidente.
Padayon pa ang imbestigasyon ug ang pagpangita Segon sa United States Africa Command o AFRICOM, padayon ilang imbestigasyon ug gamit nila sa operasyon ang ground, air, ug maritime assets aron mapaspasan ang rescue efforts.
Ang training exercise nga gitawag og African Lion nagsugod sa miaging bulan ug ginabuhat usab sa ubang nasod sama sa Tunisia, Ghana, ug Senegal.
Kini usa sa pinakadako nga military exercises sa Africa ug magpadayon hangtod Mayo 8.
Kapin sa 7,000 ka personnel gikan sa sobra 30 ka nasod ang miapil sa maong ehersisyo, uban na ang mga yunit gikan sa US ug Morocco nga karon nagtinabangay sa pagpangita sa nawalang mga sundalo.
Photo Courtesy: Daily Mail
