Nagplano ang Department of Agriculture (DA) nga palapdan ang minimum access volume (MAV) para sa imported pork ug mais, ug posible kini maaprubahan niining bulana.
Sumala kang Agriculture Secretary Francisco Tiu Laurel Jr., kamulo nang gilihok ang proseso sa pag-apruba sa gitawag nga MAV Plus scheme.
Dugang pa, tumong sa MAV mao ang pagpahunong sa pagsaka sa presyo sa baboy ug mais sa merkado, ilabina tungod sa taas nga shipping cost nga naapektuhan sa tensyon sa Middle East.
Ang MAV Plus usa ka mekanismo sa gobyerno nga nagtugot og dugang nga importasyon sa pipila ka produkto sa mas ubos nga taripa.
Kinahanglan matod pa kini og pagtugot sa Presidente, base sa rekomendasyon sa MAV Management Committee nga gipangulohan sa Agriculture Secretary.
Sumala sa Federation of Free Farmers, nagrekomenda ang advisory committee og dugang nga 250,000 metric tons nga importasyon.
Ang dugang nga importasyon magamit lamang sa mga nasod gawas sa Association of Southeast Asian Nations (ASEAN), tungod kay ang taripa sulod sa ASEAN ubos na sa 5 percent.
Photo Courtesy: Businessworld
