Gitaktak sa serbisyo ang usa ka pulis sa National Police Commission (NAPOLCOM) human mapamatud-an nga siya adunay administratibong sala kalabot sa kasong alleged rape.
Ang pulis nga si Patrolman Joshua Mendoza sa Manila Police District nadiskubreng guilty sa grave misconduct ug conduct unbecoming of a police officer base sa desisyon sa Commission en banc niadtong May 4.
Sumala sa NAPOLCOM, ang desisyon nakabase sa substansyal nga ebidensya sama sa eyewitness accounts, medico-legal findings, CCTV footage, ug ang consistent nga testimonya sa biktima.
Ang kaso nagsugod sa reklamo sa usa ka babaye nga giila lang sa alyas “Anna,” nga miingon nga nawala siya sa iyang panimuot human siya nakainom og ilimnon uban sa grupo sa suspek ug posibleng adunay gibutang nga iligal nga substansya sa iyang giinom.
Pagmata niya, nakit-an niya nga anaa siya sa usa ka motel samtang gihimoan og sekswal nga pang-abuso, nga mihunong lang human siya nakabalik og panimuot.
Gipasiugda sa NAPOLCOM nga ang maong buhat usa ka grabeng paglapas sa balaod ug dili angay sa usa ka pulis, ug nagpasidaan nga walay lugar sa serbisyo ang mga personnel nga mag-abuso sa ilang katungdanan.
Laing respondent sa kaso nga usa usab ka pulis na-dismiss sa reklamo tungod kay walay igo nga ebidensya nga nag-link kaniya sa insidente.
Photo Courtesy: Press One.PH
