Gipalig-on pa sa Pilipinas ang pakig tambayayong sa gobyerno sa United Nations (UN), aron tutukan ang social protection, pag mugna og trabaho, ug pagbalhin ngadto sa limpyo nga enerhiya karong 2026.
Gihisgutan kini sa ikatulong Joint Steering Committee meeting nga gitambongan sa UN Philippines, Department of Economy, Planning and Development (DEPDev) ug Department of Foreign Affairs (DFA).
Sumala sa miting, lakip sa mga prayoridad mao ang pagpalig-on sa social protection ug human capital systems aron makatubag sa mga krisis, ilabi na sa mga apektadong sektor.
Lakip usab ang pagpalambo sa job creation ug innovation, labi na para sa micro, small ug medium enterprises.
Gihatagan sab og dakong pagtagad ang energy transition, disaster resilience ug environmental sustainability, lakip na ang pagpatuman sa mga national climate commitments sa nasod.
Padayon usab ang suporta sa maayong pangagamhanan ug digital transformation, ingon man sa peace process sa Bangsamoro Autonomous Region in Muslim Mindanao (BARMM).
Bisan pa sa nagkadaiyang hagit, gipadayag nga adunay maayong progreso ang nasod ug ang UN sa 2025, lakip na ang pagpalapad sa immunization, pag-uswag sa maternal health policies, ug paglig-on sa inclusive education ug peacebuilding initiatives.
Matod pa ni DEPDev Secretary Arsenio Balisacan, kumitibo ang gobyerno sa paghatag og konkreto nga resulta pinaagi sa maong partnership aron mapauswag ang kinabuhi sa mga Pilipino. Samtang si UN resident coordinator Arnaud Peral, nagpasabot nga importante ang adaptability ug sistematikong pamaagi aron makab-ot ang development goals sa nasod.
Photo Courtesy:Philstar
