Patay ang usa ka 5-anyos nga batang lalaki human kini malumos sa Cabadbaran River, dapit sa hanging bridge sa Brgy. 3, Cabadbaran City, Agusan del Norte.
Sumala sa usa ka residente, nakita pa niya ang biktima nga nagtambay duol sa bilyaran sa wala pa mahitabo ang insidente, hinungdan nga dako ang iyang kakurat sa nasinatiang trahedya.
Nasayran nga ang biktima taga Barangay Kauswagan, Cabadbaran City, ug kasagaran mag-uban uban sa iyang amahan nga mangolekta og tukog para himuong silhig.
Sa pagkakaron, padayon pa ang imbestigasyon sa kapulisan aron matino ang hinungdan sa insidente, ilabi na nga nasayran nga dili makamaong mulangoy ang biktima.
