Nasikop sa kapulisan sa Kapalong Municipal Police Station ang usa ka giingong street-level individual nga nailhan sa alyas “Pot” atol sa buy-bust operation nga gipahigayon sa Barangay Maniki, Kapalong niadtong Mayo 1, 2026.
Gimugna ang operasyon sa pakigtambayayong sa 1st DNPMFC, RPSB Kapalong Cluster ubos sa pagdumala ni PMAJ Bryle F. Patalinghug, Chief of Police, diin gigamit usab ang Alternative Recording Devices aron masiguro ang transparency ug pagsunod sa legal nga proseso.
Nasakmit gikan sa suspetsado ang duha ka sachet sa gidudahang shabu nga adunay gibug-aton nga .58 gramo ug gibanabana nga nagkantidad ug ₱3,500, lakip ang buy-bust money, cellphone, ug uban pang personal nga gamit.
Ang mga ebidensya gimarkahan ug giimbentaryo sa lugar uban sa presensya sa mga saksi subay sa balaod.
Ang suspetsado anaa na karon sa kustodiya sa kapulisan alang sa hustong dokumentasyon ug pagsaka sa kaso.
Sumala pa, padayon ang kampanya sa PNP batok sa ilegal nga droga aron masiguro ug mamintinar ang kalinaw ug kaluwasan sa komunidad.
Photo Courtesy : The Law Office of Matthew Konecky, P.A.
