Nag-viral online ang usa ka video, diin adunay babaye sa bar nga nagbuhat ug prank sa mga lalaki.
Sa video nga kuha sa usa ka netizens, ang babaye magbutang og kiss mark sa likod nga bahin sa T-shirt sa mga lalaki nga murag lipstick mark aron mahimong “ebidensya” nga daw adunay lain kauban ang lalaki.
Usa kini sa mga paagi sa kalingawan nga ginabuhat sa pipila ka bar, diin ang babaye manglipstick ug dayon mohalok sa sinina sa mga kostumer. Bisan paman nga giila kini nga usa ka lingaw, ang maong binuhatan posible nga magresulta sa dili maayung pagsinabtanay sa mga adunay kapikas.
Gikataho nga usa lang kini ka prank, apan ang video nakaani ug nagkalain-lain nga reaksyon human nga nagviral. Adunay uban nalingaw, apan adunay uban nasuko sa maong buhat.
Photo Courtesy: A.V FactStories
