Naghimo og live radio guesting ang mga personnel sa Ipil District Jail-Female Dormitory o IDJ-FD sa Juander Radyo Ipil 93.5 FM niadtong Oktubre 19, 2026, aron ipahibalo sa publiko ang umaabot nga National Correctional Consciousness Week o NACOCOW, ang ika-15 nga Correctional Services Month Celebration, ug ang Aftercare Program sa Bureau of Jail Management and Penology o BJMP.
Ang maong kalihokan gipahigayon ubos sa pagpangulo ni Jail Chief Superintendent Amado A. Concepcion Jr., CES E, Regional Director sa Jail Bureau, ug sa paggiya ni SJO4 Cindy N. Vargas, Acting Jail Warden sa IDJ-FD. Tumong niini nga mapalapad ang kahibalo sa komunidad mahitungod sa mga programa ug serbisyo sa BJMP, ilabina sa mga inisyatiba alang sa kaayohan ug pagbag-o sa kinabuhi sa mga persons deprived of liberty o PDL.
Human sa radio guesting, gihatagan og token of appreciation si Mr. Argie T. Quimno, Radio Manager sa Juander Radyo Ipil, isip pag-ila sa suporta ug pakigtambayayong sa estasyon sa pagpahibalo sa publiko mahitungod sa mga programa sa BJMP. Pinaagi niini nga panag-uban sa media, gilaoman nga mas daghang katawhan ang mahibalo sa mga programa sa koreksiyonal nga serbisyo ug sa mga oportunidad alang sa rehabilitasyon ug reintegrasyon sa mga PDL ngadto sa komunidad.
