Nahugno ang usa ka bahin sa Kaliwet Bailey Bridge sa Barangay Nalasin, Santo Domingo, Ilocos Sur niadtong Mayo 2, human moagi ang usa ka overloaded nga trak.
Base sa impormasyon, misulay pagtabok ang usa ka 20-toneladang trak sa maong tulay bisan pa sa pahimangno nga 5 tonelada ra ang kapasidad niini.
Gumikan sa sobra kabug-at, wala na makaya sa istruktura ang gibug-aton sa sakyanan, nga misangpot sa pagdausdos ug pgkahugno sa usa ka seksyon sa tulay.
Dali dayong nagpadala ang Department of Public Works and Highways (DPWH) og assessment teams sa lugar aron susihon ang kadak-on sa kadaot ug sugdan ang clearing operations.
Sa pagkakaron, giablihan na ang usa ka temporary access route isip alternatibong dalan alang sa mga motorista.
Nagpahimangno usab ang mga awtoridad sa tanang drayber nga mosunod sa load limits samtang giandam na ang hustong aksyon batok sa operator sa trak.
