Padayon nga gipalig-on sa Technical Education and Skills Development Authority (TESDA) Region 9 ang ilang 3-year diploma program aron mas mapalambo ang kahibalo ug kahanas sa mga kabatan-onan sa rehiyon.
Sumala ni TESDA 9 Assistant Regional Director Omarkhayam Dalagan, ang 3 year diploma program o UAQTEA eskwelahan sa mga kabataan sulod sa tulo ka tuig nga libre lang ug may daily allowance pa.
Dugang pa, gihimo sa TESDA 9 nga mas andam ang mga estudyante sa trabaho human sa ilang pag gradwar, aron mas mapalapdan pa ang oportunidad sa panginabuhian.
Bisan niini, nagpadayon gihapon ang TESDA Region 9 sa pagpalambo sa kalidad sa ilang mga programa, uban sa tumong nga makahimo og globally competitive nga workforce.
Sa kinatibuk-an, ang 3-year diploma program giisip nga usa ka dakong lakang aron mapalig-on ang technical education ug masiguro nga “job-ready” ang mga gradwado sa umaabot pang katuigan.
