Giaprubahan sa Regional Tripartite Wages and Productivity Board (RTWPB) ang pagtaas sa sweldo sa mga kasambahay sa rehiyon nga moabot gikan ₱500 hangtod ₱1,000 matag bulan.
Base sa wage order nga gipagawas sa National Wages and Productivity Commission, ang ₱500 nga dugang suhulan ipatuman sa mga chartered cities ug first-class municipalities.
Tungod niini, ang minimum nga sweldohan sa kasambahay sa maong mga lugar mosaka gikan ₱5,000 ngadto sa ₱6,000 sugod Mayo 20.
Samtang sa pipila ka first-class municipalities sama sa Sulu lakip ang Indanan, Jolo, Parang, Patikul, Siasi ug Talipao, moabot sa ₱1,000 ang pagtaas, nga magdala sa ilang minimum wage ngadto sa ₱6,000 matag bulan.
Sa ubang mga lungsod sa Zamboanga Peninsula, lakip ang ubang bahin sa Sulu, ipatuman ang ₱500 nga dagung nga magpataas sa minimum nga suhulan nga ₱5,500 gikan sa ₱5,000.
Ang maong wage order gipagawas niadtong Abril 16 ug opisyal nga gipublikar sa mga mantalaan kagahapong adlawa, Mayo 4.
Photo Courtesy: DOLE Region 9
