Giawhag sa Coordinating Council of Private Educational Associations (COCOPEA) ang Commission on Higher Education (CHED) nga maghimo og “patas ug subay sa balaod” nga pag-review sa mga aplikasyon sa tuition increase.
Kini human sa mga report nga posibleng ibasura sa CHED ang tanang pending nga petisyon sa tuition hike sa mga private colleges ug universities tungod sa epekto sa krisis sa lana.
Nagpasidaan ang COCOPEA nga ang usa ka blanket ban sa pagtaas sa tuition, bisan tuyo nga mapagaan ang gasto sa mga estudyante ug pamilya, mahimo hinuong makadaot sa dugayng panahon.
Matod sa grupo, posible kini mosangpot sa layoffs, pagkabalda sa mga programa, pagkunhod sa kalidad sa edukasyon, ug bisan pagsirado sa pipila ka eskwelahan.
Gipatin-aw usab nila nga ang mga pribadong eskwelahan naapektuhan sa pagsaka sa gasto sama sa kuryente, maintenance, learning resources, ug sweldo sa mga empleyado.
Busa, gi-awhag nila ang CHED nga dili magpatuman og “one-size-fits-all” nga polisiya, kundili susihon ang matag aplikasyon base sa kahimtang sa matag eskwelahan.
Photo Courtesy : GMA News Online
