Gibasura ni Department of National Defense Secretary Gilberto Teodoro Jr. ang sugyot nga buhion pag-usab ang peace talks sa Communist Party of the Philippines New People’s Army National Democratic Front kon CPP‑NPA‑NDF sa pagbutyag nga anaa sa dalan na sa kalinaw ang mga Pilipino.
Segon ni Teodoro nga ang rebelding NPA, ang armed wing sa CPP-NDF padayon sa pagsabwag og terorismo nga nagguba sa kalinaw sa mga kumunidad rason nga dili dapat magpailad ang gobyerno niini.
Punto pa ni Teodoro nga kung subling ablihan ang peace talks sa komunistang grupo daw gihimong lehitimo sa gobyerno ang kapintasan niini.
Gihimo ni Teodoro ang pamahayag may kalabutan sa pagduso ni Presidential Peace Adviser Mel Senen Sarmiento sa talagsaong pamaagi sa lokal nga peace talks ug reintegration programs.
Ang nasangpit nga istratehiya nga gusto ni Sarmiento nakapokus sa diyalogo sa lebel sa komunidad, amnestiya ug suporta sa serbisyo nga nagtumong nga mahatagan og pagtagad ang ugat sa armadong pakigbisog ug aghaton ang mga rebelde nga mobalik sa gobyerno.
Ang sugyot nga subling pagbanhaw peace talks sa komunistang grupo misunod human ang pagkamatay sa 19 katawo sa engkuwentro sa militar sa mga rebeldeng NPA sa Toboso, Negros Occidental niadtong Abril 19.
Lakip sa mga namatay ang UP student nga si Alyssa Alano ug community journalist nga si RJ Ledesma
Photo Courtesy: Department of National Defense
