Mokabat sa 69 ka mga armas nga boluntaryong giturn-over sa kanhi mga rebelde gikan sa nagkalain-laing handling units ang gipaubos sa joint costing activity niaging Abril 30, 2020 didto sa Headquarters Bukidnon Police Provincial Office (BukPPO) Malaybalay City.
Gipasiugdahan kini sa Department of the Interior and Local Government (DILG) Bukidnon, uban sa koordinasyon sa Armed Forces of the Philippines (AFP)
Kini nga kalihokan nahimong kabahin sa standard nga proseso ubos sa Enhanced Comprehensive Local Integration Program (ECLIP), nga nagpahigayon sa tukma nga valuation sa mga gisurender nga armas agig pagpangandam sa katugbang nga pinansyal nga tabang nga ihatag ngadto sa mga benepisyaryo sa Formers Rebels.
Nagsiguro sab ang pagpahigayon sa kalihokan sa costing nga ang tanang gisumiter nga mga armas husto nga nadokumento, gi-assess, ug gi-validate subay sa naglungtad nga mga panudlo, nga nagpalig-on sa integridad sa pagpatuman sa maong ECLIP program.
Photo Courtesy: DILG-Bukidnon
