Nanawagan si Pope Leo XIV kagahapon Dominggo, batok sa padayon nga paglapas sa kagawasan sa pagpamahayag sa nagkadaiyang bahin sa kalibutan, dungan sa paghandum sa World Press Freedom Day.
Gihisgutan usab niya ang mga namatay nga tigbalita samtang nagtuman sa ilang katungdanan taliwala sa kagubot ug giyera.
Sa iyang sinemana nga pag-ampo sa Saint Peter’s Square, gibutyag sa Santo Papa ang kamahinungdanon sa gawasnong pagpadayag ug ang nagkagrabeng hulga nga giatubang sa mga tigbalita.
Gidasig usab niya ang mga magtotoo nga hinumduman ang mga tigbalita nga naghalad sa ilang kinabuhi aron sa pagpangita sa kamatuoran, labi na sa mga lugar nga apektado sa giyera.
Ang World Press Freedom Day, nga ginapangulohan sa UNESCO ug gisaulog matag Mayo 3, nagtumong sa pagpakita og suporta sa mga media nga nakasinati og pressure ug pagpasidungog sa mga tigbalita nga namatay samtang nagtuman sa ilang katungdanan.
Gihulagway sa Santo Papa ang tigpadayag isip usa ka haligi sa katilingban ug demokrasya, ug iyang gitumbok nga ang impormasyon usa ka pampublikong bahandi nga angay panalipdan batok sa manipulasyon
Photo Courtesy: Reuters
