Gipahibalo sa Philippine National Police (PNP) nga sa kinatibuk-an malinawon ug hapsay ang pagsaulog sa Labor Day kaniadtong Mayo 1, 2026 sa tibuok nasud.
Sumala sa PNP, kapin sa 106,000 ka mga pulis ang gipakatap sa nagkadaiyang lugar aron masiguro ang seguridad sa publiko atol sa nagkalain-laing aktibidad.
Nakatala usab ang PNP og 58 ka mga kilos-protesta nga gitambongan sa dul-an 13,324 ka mga indibidwal.
Bisan pa niini, wala’y natalang dakong insidente nga nakasamok sa kahusay sa mga kalihokan. Gipatin-aw usab sa PNP ang pipila ka nagkalain-laing gagmayng insidente, nga wala kini nakaapekto sa kinatibuk-ang kahapsay sa selebrasyon.
Gipasiugda usab sa pamunuan sa PNP ang padayon nga pagpatuman sa maximum tolerance, propesyonalismo, ug maayong pakig-uban sa nagkalain-laing sektor aron mapadayon ang kahusay sa mga pampublikong panagtapok.
Photo Courtesy: ABS-CBN
