Nalumping sa unahang bahin sa usa ka itom nga Nissan Navara pick-up, human kining mibangga sa likod nga bahin sa usa ka dump truck sa National Highway, Daang Maharlika, Kidapawan City, alas-7:30 sa gabii, niadtong adlawng Domingo, Mayo 3, 2026.
Sumala sa driver sa dump truck nga si Kokoy Idolantes, nagpundo sila tungod sa pula nga traffic light sa dihang kalit lang nga adunay kusog nga impact nga mibangga sa ilang sakyanan gikan sa likod.
Sa pasiunang imbestigasyon, gituohan nga posibleng kusog ang dagan sa pick-up hinungdan nga wala kini nakahunong dayon. Aduna usab pagduda nga posibleng naka-inom ang driver niini, nga padayon pang ginatuki sa mga otoridad.
Samtang, dali usab nga mitubag ang Traffic Management Unit o TMU aron masiguro ang hapsay nga dagan sa trapiko ug mapadayon ang imbestigasyon sa nahitabo.
Photo Courtesy: JSTOR Daily
