Gibutyag ni US Pres. Donald Trump nga wala siya nalipay sa bag-ong proposal sa Iran alang sa negosasyon, diin nagtimaan kini nga ang deadlock sa gubat mahimong magpadayon. Matod sa Presidente nga ang Tehran adunay mga gipangayo nga lisud dawaton, bisan paman kung nagpadayon ang komunikasyon tali sa duha ka panig.
Giinsister usab sa Iranian Foreign Minister nga si Abbas Araqchi nga abli ang Iran sa diplomasya kung bag-ohon sa US ang “agresibo nga pamaagi,” apan nagpabiling alerto ang ilang pwersa batok sa posible nga mga pag-atake.
Sa samang higayon, Misaka usab ang mga tensyon sa mga kaalyado human sa pagmahayag sa US President sa pag-atras sa mga tropa sa US gikan sa Germany, tungod sa nahitabong alitan niini tali sa German Chancellor nga si Friedrich Merz.
Luyo paman sa nahitabong ceasefire, ang isyu sa Strait of Hormuz nagpabilin nga kritikal, nga nakaapekto sa dakong bahin sa global oil supply, nga nakahatag og kabalaka bahin sa ekonomiya ug pagtaas sa presyo sa lana.
Photo Courtesy: Brooking Institution
