Nagpabilin nga pinakataas nga national concern sa mga Pilipino ang inflation,
sumala sa bag-ong survey sa OCTA Research nga gipagawas niadtong
Biyernes.
Base sa survey nga naglangkob og 1,200 ka respondents sa tunga-tunga sa
Marso, 45% ang nag-ingon nga ang pagsaka sa presyo mao ang pinaka-
urgent nga isyu sa unang quarter sa 2026, mas taas kumpara sa 41% sa
kataposang quarter sa 2025.
Giingon sa OCTA nga kini nagpakita sa pagbalik sa cost-of-living concerns
isip sentro nga kabalaka sa publiko, bisan pa sa mga posibleng epekto sa
global oil price tensions.
Sa laing bahin, ang kabalaka sa graft ug corruption mikunhod gikan sa 29%
ngadto sa 26% apan nagpabilin nga usa sa top national issues, samtang ang
concern sa pagtaas sa suweldo mikunhod og dako gikan sa 45% ngadto sa 33%, nga nagpasabot nga mas gipang-una karon sa mga Pilipino ang epekto
sa taas nga presyo kaysa sa suweldo.
Sa personal nga aspeto, ang kahimsog nagpabilin nga pinakataas nga
concern sa 67%, apan miusbaw ang pinansyal nga kabalaka, diin mas
daghan na karon ang nabalaka o naghunahuna kung makatigom ba sila og
savings, misaka gikan sa 34% ngadto sa 41%, ang concern sa stable nga
trabaho ngadto sa 42%, ug ang pagkaon sa adlaw-adlaw ngadto sa 46%, nga
nagpakita sa nagkadako nga focus sa financial security ug adlaw-adlaw nga
panginahanglan.
Photo Courtesy: CarGuide.PH
