‎DISCO SA BARANGAY NAUNDANG TUNGOD SA KAGUBOT

Naundang ang disco sa Napan, Barangay Goma, Digos City human mibuto ang kagubot nga giingong gisugdan sa pipila ka mga nagtambong sa maong kalihokan.

Sumala sa netizen nga si Archie Heramis, mikalit og kagubot ang sitwasyon tungod sa mga indibidwal nga nanggulo, nga maoy hinungdan sa pagkadismaya sa mga bisita.

Sa pahayag ni Kapitan Jimmy Aldaba, gipanawagan niya ang kahapsay ug disiplina sa matag residente, ug gipasidaan nga dili nila tugotan ang bisan unsang aksyon nga makadaot sa kalinaw sa barangay.

Samtang, gipahimangnoan ang residente nga magmatngon ug magpakita og responsableng pamatasan sa mga pampublikong tapok aron malikayan ang susamang insidente.