Nakatampo ang digital economy sa Pilipinas og 9.8% sa nasodnong ekonomiya sa tuig 2025, base sa datos nga gipagawas sa Philippine Statistics Authority (PSA).
Naka-generate ang sektor og ₱2.74 trillion nga Gross Value Added (GVA), mas taas kumpara sa ₱2.59 trillion sa 2024, nga nagpakita og 5.4% nga pag-uswag.
Sa aspeto sa empleyo, ang digital sector nakahatag og trabaho sa 10.39 milyones ka Pilipino, nga mokabat sa 21.2% sa total employment sa nasod. Mas taas kini kumpara sa 10.27 milyones ka trabahante sa miaging tuig.
Ang digital-enabling infrastructure mao ang pinakadako nga nakatampo sa GVA nga 65.3%, gisundan sa e-commerce nga 32.2%, digital content and media nga 2.2%, ug government digital services nga 0.3%.
Sa sulod sa digital-enabling infrastructure, nanguna ang ICT services nga adunay 27.1% nga bahin, gisundan sa ICT manufacturing (13.6%) ug ICT-enabled services (13.3%).
Sa bahin sa trabaho, ang e-commerce ang pinakadako nga nag-employ nga adunay 75.8% nga share, gisundan sa digital-enabling infrastructure (23.3%), digital content and media (0.8%), ug government digital services (0.1%).
Photo Courtesy: OECD
