Gipakita ni Jinkee Pacquiao sa iyang social media account ang pipila ka hulagway sa selebrasyon sa ika-12 nga birthday sa iyang kamanghuran nga anak nga si Israel Pacquiao.
Ang maong birthday party gihimo uban sa usa ka makalingaw nga Super Mario-themed setup nga gitambongan sa ilang mga suod nga higala ug kapamilya.
Kauban usab sa selebrasyon ang iyang bana nga si Manny Pacquiao ug ilang anak nga si Michael Pacquiao.
Sa iyang mensahe, gipadayag ni Jinkee ang iyang gugma ug pag-ampo alang sa iyang anak, nga magmalampuson sa bisan unsang dalan nga iyang pilion ug magpadayon nga mosidlak ang kaugmaon niini.
Dugang pa niya, bisan pa sa pagdako ni Israel, magpabilin gihapon kini nga iyang “baby boy” ug usa sa pinakadakong kalipay sa iyang kinabuhi ang makita ang pag-uswag sa iyang anak.
Photo Courtesy: GMA Network
