Naka-imbento ang tulo ka mga estudyante sa England og usa ka talagsaong konsepto sa condom nga mahimong mo-usab ang kolor kung adunay sexually transmitted disease o STD ang partner.
Ang maong ideya gitawag og “S.T.EYE,” nga gihimo sa mga batan-ong imbentor nga sila Daanyaal Ali, Chirag Shah, ug Muaz Nawaz.
Sumala sa ilang konsepto, ang condom maghatag og alert pinaagi sa pag-ilis sa kolor depende sa klase sa impeksyon, isip paagi sa pagpaabot og kahibalo ug pagpanalipod sa panglawas. Tungod sa ilang kabag-ohan, nakadaog kini og award sa UK’s TeenTech Awards.
Apan, sa pagkakaron, wala pa kini maabot sa merkado tungod sa mga hagit sa manufacturing ug kakulang sa development, bisan pa man sa interes sa posibleng mga investors.
Bisan ana, giila kini nga usa ka maayong lakang sa pagpakunhod sa nagkadaghang kaso sa STD sa tibuok kalibutan.
Photo Courtesy: A.V FACTSTORIES
