Gidumog sa mga bisita ang giingong pinakadakong snack store sa kalibotan nga nahimutang sa Furong Square, hunan china human kini makabaton og titulo gikan sa Guinness World Records isip “World’s Largest Snack Store.”
Ang tindahan nga gitawag og Snack Kingdom, nga gihimo sa Mingming Henmang, adunay kadak-on nga kapin 12,000 square meters ug nagbaligya og sobra 35,000 ka klase sa snacks gikan sa 70 ka nasod. Giingon nga adunay kapin 6,500 ka snack brands nga anaa sa sulod sa establisyemento.
Sa sulod, makita ang taas nga “snack corridor” nga puno sa nagkalain-laing produkto nga naka-display sa glass cabinets. Usa sa talagsaong atraksyon niini mao ang “Instant Noodle City,” nga adunay kapin 3,500 ka klase sa instant noodles gikan sa lain-laing nasod, ingon man usa ka cola section nga adunay mga ilimnon gikan sa 20 ka nasod, lakip ang dili kasagarang flavors.
Tungod sa kadaghan sa mga tawo nga mibisita sa unang mga adlaw, napugos ang management nga temporaryong mohunong sa operasyon sulod sa duha ka adlaw aron ayuhon ang supply, checkout system, ug uban pang isyu. Bisan pa niini, gitugotan gihapon ang publiko nga mosulod aron mosuroy ug magkuha og litrato.
Samtang nagpadayon ang interes sa mga bisita, giingon usab nga ang Changsha adunay lain pang dako nga snack store nga nagpakita og higanteng bersyon sa mga sikat nga produkto sama sa Lay’s ug Oreo
Photo Courtesy:Oddity Central
