Gipangulohan ni Mayor Rolando ‘Klarex’ Uy ang pag panumpa sa 43 ka empleyado sa nagkadaiyang departamento sa Lokal nga Panggamhanan sa Cagayan de Oro human nga na promote sa ilahang trabaho.
Atol sa seremonya, gipahinumdoman ni Mayor Uy ang mga empleyado sa importansya sa dedikasyon sa pag-alagad sa publiko ug paghatag bili sa ilang trabaho, ilabi na karung panahona nga daghan ang naningkamot nga maka pangita og trabaho.
Gimugna sa Office of Human Resource Management ubos ni Xsyclyn Faith ‘Kansai’ Lumbatan ang Oath Taking ceremony nga nag pahinumdom sa mga empleyado nga mas higugmaon pa ang ilang mga trabaho.
