Mikaylap sa social media ang usa ka talagsaong paagi sa pag-atiman sa kabayo ang paggamit og bra isip panalipod sa mata. Bisan og kataw-anan tan-awon, giingon sa mga tag-iya nga kini usa ka pansamantalang solusyon aron maprotektahan ang sensitibong mata sa kabayo gikan sa langaw, abog, ug kusog nga kahayag sa adlaw.
Kasagaran unta gamiton ang “fly mask,” apan kung wala kini, ang uban nag-improvise pinaagi sa pagbutang sa bra diin ang mga cup motabon sa mata sa kabayo. Epektibo man kini sa mubo nga panahon, gipasidaan nga dili kini angay dugay gamiton kay mahimong makadaot sa panan-aw o makairita sa hayop.
Busa, girekomenda gihapon sa mga eksperto ang hustong gamit sama sa fly mask alang sa kaluwasan sa kabayo. Ang maong panghitabo nagpakita sa pagkamamugnaon sa mga tag-iya ug naghatag usab og kataw-anan sa mga netizens.
Photo Courtesy: Twitter
