Gipahibalo sa lokal nga panggamhanan sa Nabunturan ang ilang partisipasyon sa 2nd Quarter Vice Mayors’ League Congress nga gipahigayon sa Diamond Hotel, Manila niadtong Abril 23 hangtod 26, 2026.
Gipasabot ni Vice Mayor Cyrian Reterba atol sa pakighinabi sa Jaunder Radyo News Team nga tumong sa maong kalihukan ang pagpalalom sa kahibalo ug pagpahait sa liderato sa mga bise mayor sa tibuok nasud, ilabina sa pagplano ug pagdumala sa ilang mga responsibilidad.
Sa laing bahin, gibutyag usab sa Bise Mayor nga adunay giaprobahang ordinansa kabahin sa tulunghaan nga Colegio De Nabunturan kon (CDN), nga karon anaa na sa Sangguniang Panlalawigan alang sa dugang nga pag-apruba.
Nanghinaot si VM Reterba nga maaprubahan ang regular plantilla positions aron mas mapalig-on ang operasyon sa eskwelahan ug mapadayon ang paghatag og scholarship ilabina nga nagkadaghan na ang mga estudyante sa CDN.
