Narekober sa kapulisan ang kinatibuk-ang 29 ka loose firearms sa probinsya sa Bukidnon sulod sa bulan sa Abril 2026. Sumala sa report sa Provincial Police Office, kauban niini ang siyam ka sibilyan nga nadakpan atol sa mga operasyon.
Matod pa ni BUKPPO spokesperson PCpt. Shiela Joy Jangad, 33 ka operasyon ang gipahigayon batok sa loose ug ilegal nga mga armas sa lain-laing lugar sa Bukidnon.
Sa maong mga operasyon, siyam ka indibidwal nga puro sibilyan ang nadakpan. Sa kinatibuk-an sa mga armas nga nakuha, 21 ang boluntaryong gisurender sa mga tag-iya, samtang ang uban narekober pinaagi sa mga operasyon.
Padayon karon ang kampanya sa kapulisan batok sa loose firearms aron malikayan ang posibleng paggamit niini sa krimen ug mapalambo ang kahimtangan sa seguridad sa probinsya.
Photo Courtesy: BUKPPO
