Patay ang 29 ka indibidwal human gi-atake sa mga armado nga lalaki ang usa ka komunidad sa Adamawa State sa nasud sa Nigeria. Nahitabo ang pagpamusil sa gabii niadtong Domingo diin nidugay kini og pila ka oras, sumala sa mga lokal nga opisyal.
Giingon sa gobernador sa lugar nga gisulong sa mga armado nga grupo ang maong lugar ug didto namusil sa mga residente. Daghan usab ang mga balay ug kabtangan nga nadaot sa maong insidente.
Kalabot niini, nibisita ang gobernador sa area aron makigkita sa mga pamilya sa mga biktima ug mopadayag sa iyang pagpahasubo. Giingon usab niya nga dili daw madawat ang maong shooting insident.
Wala pa klaro ang motibo sa pag pangatake, apan ang maong rehiyon sa amihanang-sidlakang Nigeria dugay nang nag-atubang og mga problema sa mga armado nga grupo ug kriminal nga kalihukan.
Karon, nagtinabangay ang gobyerno ug security forces sa maong nasud aron mapugngan ang laing insidente ug susama nga pagpamusil.
Photo Courtesy: France 24
