Gipagula sa Grab Philippines ang P350 milyones nga “Bayanihan” relief fund aron protektahan ang ilang mga driver ug delivery partners gikan sa epekto sa nagsaka nga presyo sa gasolina. Pinaagi sa maong programa, makadawat ang mga partners og nagkadaiyang tabang pinansyal sama sa spot bonuses, grocery credits, ug commission rebates.
Usa sa mga highlight niini mao ang paglusad sa “Grab Turbo,” usa ka bagong driving mode nga nagpaubos sa commission rate ngadto sa 15 porsyento alang sa mga four-wheel mobility services, subay usab sa hangyo sa mga magbabalaod nga pakunhuran ang kaltas sa kinitaan sa mga drivers.
Gawas niini, nakapanghatag na ang Grab og kapin Php50 milyones nga bonus alang sa mga delivery riders niadtong tunga-tunga sa Abril ug nagtanyag usab og subsidiya alang sa mga riders nga mobalhin sa pagbisikleta.
Aron masiguro ang transparency, gilusad ang Digital Earnings Tracker diin makita sa mga drivers ang ilang tinuod nga kinitaan ug incentives sa real-time. Nakig-alayon usab ang maong kumpanya sa Seaoil ug Shell alang sa mga eksklusibong diskwento sa gasolina, dungan sa pagpaila sa “Eco-Drive Initiative” nga naghatag og higayon sa mga drivers nga makakuha og electric ug hybrid nga mga sakyanan pinaagi sa flexible nga pautang gikan sa mga bangko.
Photo Courtesy: context.ph
