Mokabat na sa 14 ka tawo ang namatay ug 37 ang samaran human sa bag-ong airstrikes sa Israel sa Lebanon, sumala sa health ministry.
Lakip sa mga biktima ang duha ka bata ug duha ka babaye ug usa usab ka sundalong Israeli ang gitaho nga namatay.
Nagpasidaan ang Israeli military sa mga residente nga mubakwit sa pipila ka mga lungsod, ug giingon nga ang ilang operasyon target ang mga fighter ug armas sa Hezbollah tungod sa giingong paglapas sa ceasefire.
Apan miingon ang Hezbollah nga magpadayon sila sa pag-atake samtang nagpadayon ang operasyon sa Israel sa ilang teritoryo.
Bisan pa sa ceasefire nga gipangulohan sa United States, nagpabilin nga delikado ang sitwasyon tungod sa padayon nga balos-atake sa duha ka grupo.
Base sa report, miabot na sa kapin 2,500 ang namatay sukad sa pag-usab sa gubat kaniadtong Marso, lakip ang mga sibilyan, kababayen-an, ug mga bata.
Photo Courtesy: A news
