Gipaspasan sa Department of Agriculture (DA) ang pagpagawas sa subsidya sa gasolina ug uban pang interbensyon alang sa mga lokal nga mag-uuma ug mangingisda aron maminosan ang grabeng epekto sa krisis sa Middle East ug ang padayong pagsaka sa presyo sa petrolyo.
Gipahibalo ni DA Assistant Secretary ug Spokesperson Arnel De Mesa, usa ka press conference sa Manila, nga ang maong mga lakang importante aron mapanalipdan ang mga prodyuser ug mga konsumidor gikan sa pagtaas sa gasto sa abono ug gasto sa kargamento o transportasyon sa mga produkto sa agrikultura.
Diin ang maong aksyon gikatahong subay sa direktiba ni President Ferdinand R. Marcos Jr. ug Agriculture Secretary Francisco Tiu Laurel Jr.
Pinaagi niini mapadayon ang dagan sa mga suplay sa pagkaon, nagpadala usab ang ahensya sa 38 nga mga trak sa Kadiwa sa probinsya sa Benguet.
Tumong niini nga direktang mapalit ang mga ani sa utanon sa mga mag-uuma human ubay-ubay ka mga negosyante ang napugos sa pagpahunong o pagkunhod sa ilang mga biyahe tungod sa mahal nga krudo.
Gihatagan usab og gibug-aton sa opisyal ang dakong savings nga dala sa pagwagtang sa mga bayronon.
Gikan sa miaging sistema sa rebate, gipatuman na karon ang toll-free passage sa mga dagkong expressway alang sa mga akreditadong DA truckers.
