Gikatakdang palig-onon sa Dakbayan sa Sugbo ang paghatag og serbisyo publiko human kini miapil sa AI Acceleration Program for Local Government Units, diin apil usab ang Baguio City ug Lanao del Sur isip mga pioneer nga partisipante.
Tumong sa maong programa nga hatagan og kahibalo ug kahimanan ang mga kawani sa lokal nga gobyerno aron ma-integrate ang human-centered artificial intelligence sa ilang adlaw-adlaw nga operasyon.
Opisyal kining gisugdan pinaagi sa usa ka training session nga gipangulohan sa Limitless Lab, diin gipaila sa mga empleyado sa Cebu City ang mga konsepto sa generative AI ug prompt engineering.
Pinaagi sa AI-in-a-Box framework, moagi ang mga partisipante sa tulo ka yugto: Learn and Imagine, Build and Refine, ug Test and Present, nga mosangpot sa paghimo og AI-powered prototypes gamit ang no-code platforms.
Gihingusgan usab niini ang padayong panag-uban sa kagamhanan sa probinsiya sa Sugbo ug sa pribadong sektor sa pagpalambo sa inobasyon ug serbisyo publiko.
Pinaagi sa mentorship-driven nga pamaagi, gitugotan ang mga empleyado nga mahimong praktikal nga solusyon ang mga hagit sa komunidad gamit ang AI.
Dugang pa, nagsuporta kini sa tumong sa United Nations ilalom sa Sustainable Development Goal 9 nga nagpunting sa Industry, Innovation, ug Infrastructure.
Photo credits: Cebu City PIO
