Dakpan ang usa ka lalaki kinsa nag-atubang sa kasong paglapas sa RA 7610 kon “Special Protection of Children Against Abuse, Exploitation, and Discrimination Act,” pinaagi sa gilunsad nga law enforcement operation sa kapulisan sa Poblacion North, Polanco, Zamboanga del Norte, niadtong milabayng adlaw.
Giila ang dinakpan nga si Romelito, 19-anyos, ug residente sa Purok Rising Hope, Barangay Sianib sa susamang lungsod kinsa nalista usab nga Top 10 Most Wanted Municipal Level.
Gisikop ang akusado pinasikad sa warrant of arrest sa nasangpit nga kaso nga gipagula sa Presiding Judge of the Family Court, Ninth Judicial Region, Branch 4, Dapitan City, Zamboanga del Norte, pinetsahan ug Abril 21, 2026.
Mokabat sa Php80,000.00 ang girekomendar nga pyansa sa korte alang sa temporaryong kagawasan niini. Human nadakpan, gidala ngadto sa kustudiya sa Polanco MPS ang dinakpan alang sa tukmang disposisyon.
Photo Courtesy: Polanco MPS
