Nasikop ang usa ka wanted person atol sa gilunsad nga Manhunt Charlie Operation sa F.S. Dizon Street, Barangay 19-B, Davao City pasado alas 4:35 sa hapon, Abril 22, 2026.
Ang operasyon gipahigayon sa hiniusang pwersa sa 2nd Davao del Sur Provincial Mobile Force Company ubos sa supervision ni PLTCOL Ramil M. Macarampat, uban ang Sulop Municipal Police Station nga gipangulohan ni PCPT Ronald D. Ditan ug Police Station 2 sa Davao City Police Office nga gimandoan ni PMAJ Emmanuel D. Manlatican.
Ang nadakpan giila nga si alyas “Raul,” 51-anyos, minyo ug laborer, residente sa Barangay 19-B, Davao City.
Gidakop ang suspek pinaagi sa Warrant of Arrest alang sa kasong Frustrated Homicide ubos sa Criminal Case No. 274(2000) nga gi-isyu ni RTC Branch 18 Judge Marivic Trabajo Daray niadtong Enero 26, 2001, nga adunay piyansa nga 24,000 pesos.
Karon anaa na sa kustodiya sa Police Station 2 sa DCPO ang suspek alang sa hustong disposisyon, ug giklasipikar isip Other Wanted Person. Sumala sa kapulisan, nagpadayon ang ilang lig-on nga kampanya batok sa mga wanted person aron maseguro ang hustisya sa komunidad.
