Gisuspinde sa Presidente sa South Africa ang pinakataas nga opisyal pulis sa maong nasud human siya gikasuhan sa korte tungod sa alegasyon nga pakyas kini sa pag monitor sa kontrobersyal nga health contract sa hanay sa kapulisan nga nagkantidad ug 21 million US dollars o dul-an 1.2 billion pesos.
Sumala sa mga otoridad, ang maong kontrata para unta sa serbisyo medikal sa pulisya nga gihatag sa usa ka pribadong kompanya, apan giingon nga adunay iregularidad sa proseso. Ang kontrata dal inga giimbestigahan ug gi-cancel human nibuto ang reklamo ug alegasyon sa korapsyon.
Apil sa kaso ang maong hepe tungod sa giingong paglapas sa Public Finance Management Act sa South Africa, nga nagdumala kung giunsa paggasto ang kwarta sa gobyerno. Apan mipahayag siya nga wala siyay sala ug nisunod lang siya sa proseso sa balaod.
Gisuspende siya sa presidente isip preventive measure samtang nagpadayon ang kaso, ug gipulihan og bag-ong opisyal sa kapolisan. Sumala sa presidente, importante nga limpyo ug kasaligan ang liderato sa kapolisan sa ilang kampanya batok sa krimen ug korapsyon sa nasud.
