Mikabat 162 ka mga personahi sa Roads and Traffic Administration kon (RTA) ang gipailawom sa surprise drug test nga gipahigayon sa 4th floor sa bag-ong barangay hall sa Barangay Carmen, kagahapong adlawa.
Matod pa ni Engr. Nonito Oclarit, ang department manager sa RTA nga 180 ka mga personahi gayud ang target nga ma-drug test apan 162 lamang ang nakatunga.
Pangayuan og explaination ang mga personahi nga wala nakaapil gawas niadtong naka official leave ilabina nga adunay memorandum nga iyang giisyu ang buhatan.
Ang mga job orders ug casuals nga ma-positibo diretso kining matangtang sa serbisyo apan ipailawom sa drug rehab, samtang ang mga regular employee dili matangtang apan ipailawom sa drug rehab, pasabot ni Engr. Oclarit.
