Kumbinsido ang convenor sa grupong Kontra Daya nga adunay nahitabong sistematikong pagtabon o cover-up sa mga tinuod nga sad-an luyo sa flood control scam sa Pilipinas.
Sa eksklusibong pahayag ni Professor Danilo Arao sa Kontra Daya, gibutyag niini nga daghan na nga mga opisyales sa gobyerno, ilabina sa executive department, ang kalit lang nang-resign.
Apan luyo sa ilang pagbiya sa pwesto, nagpabilin gihapong hanap ug wala mahatagi og katin-awan kung unsa ang ilang aktwal nga kalambigitan sa maong anomalya.
Gipasiugdahan ni Arao nga dili basta-basta ang maong isyu tungod kay posible ang dakong tulubagon mismo sa Presidente sa nasud. Kini kung hisgutan ang gitawag nga ‘command responsibility’ sa maong iskandalo nga naglambigit sa binilyon nga pondo sa katawhan.
