Nakab-ot sa 18-anyos, nga batan-ong Pinay nga si Hillary Diane Andales ang usa ka dakong dungog human siya nakadaog og $250,000 nga scholarship sa prestihiyosong Breakthrough Junior Challenge.
Kini human niya gipasabut ang komplikadong “Theory of Relativity” ni Albert Einstein sa pamaagi nga daling masabtan sa ordinaryong tawo.
Nakuha ni Andales ang maong ganti pinaagi sa usa ka tibuok-kalibutan nga kompetisyon sa siyensya nga nagtumong sa paghatag og pasidungog sa mga tinun-an nga duna’y talagsaong kahanas sa pagpasabut sa malisud nga mga konsepto.
Sumala sa iyang mga video, pinaai sa pagpasabot og gigamitan ni Andales og mga yano nga “visuals” ug mga sampol sa inadlaw-adlaw nga kinabuhi ang maong teorya sa Physics aron mahimo kining mas madanihon ug daling masunod sa publiko.
Ang nakapahimo ni Andales nga labaw sa uban mao ang iyang abilidad dili lang sa pagsabut sa siyensya, kondili ang iyang talagsaong kahanas sa pagpaambit niini ngadto sa kalibutan.
Gipamatud-an sa maong kadaugan nga ang tinuod nga kaalam wala lang masukod sa pagmemorya sa mga pormula, kondili sa katakos sa paghimo sa komplikadong ideya nga mapuslanon ug masabtan sa tanan.
Photo credits: Pilipino Mirror
