Sugdan na sunod semana ang BALIKATAN Exercises sa nasod Pilipinas ug Estados Unidos kauban ang 17 ka nasud nga kabahin sa international observer program.
Lauman nga moabot sa 17,000 ka mga sundalo ang moapil gikan sa lain-laing nasud sama sa Pilipinas, Amerika, Australia, Japan, New Zealand, Canada ug France.
Matod pa ni AFP Education, Training and Doctrine Commander Major General Francisco Lorenzo Jr., kabahin kini sa modernisasyon dili lang sa kagamitan kundili lakip usab sa kahibalo ug taktika sa mga sundalo.
Apil sa mahisgutan sa balikatan ang pagpalig-on sa ilahang abilidad sa pag-atubang sa mga hagit sa kahanginan, kayutaan, kadagatan, ug lakip na ang cyber domain.
Alang kang U.S. Marine Corps I Marine Expeditionary Force Commander Lt. Gen. Christian Wortman, mapalig-on niini ang relasyon ug maayong kooperasyon sa Pilipinas ug Amerika sa Indo-Pacific sulod sa kapin 75 ka tuig.
Nasayran nga sa wala pa nahitabo ang ASEAN member states nga misulod sa maong kasabutan, apan abri kini nga mapalapdan alang sa usa ka malinawon ug lig-on nga rehiyon. Moluntad ang ehersisyo sa alyadong sundalo hangtod Mayo 8,2026.
Photo Courtesy: Philippine News Agency
