Gikuwestyon ni Philippine Army Col. Raymund Dante Lachica ang mga alegasyon ni Ramil Madriaga nga giingong dili magkapareho ang aligasyon sa impeachment hearing batok kang Vice President Sara Duterte niadtong Abril 14 ,2026.
Si Lachica, nga kaniadto labaw sa Vice Presidential Security and Protection Group (VPSPG). Kon asa giakusahan ni Madriaga si VP Sara sa korapsyon ug giingong naghatod siya og milyon-milyong pesos sa mando sa Bise Presidente uban sa tabang sa mga miyembro sa VPSPG, lakip na matod pa sila Col. Dennis Nolasco ug Lachica.
Apan, gilimod ni Lachica ang mga pasangil ug nagsang-at og reklamong cyber libel batok kang Madriaga ug sa abogado niini nga si Atty. Raymund Palad niadtong Enero.
Sa bag-ong pahayag, gipunting ni Col. Lachica ang mga “discrepancies” o dili pagkapareho sa mga alegasyon ni Madriaga nga makadaot sa kredibilidad sa testimoniya.
Dugang usab niini nga walay lig-on nga ebidensiya ang pamahayag ni Madriaga ug kinahanglan kini nga suportahan sa beripikadong dokumento ug rekord. Matod pa ni Lachica, andam siyang tubagon ang mga pasangil sa hustong forum, apan gikinahanglan nga mahibaluan ug maberipika ang ebidensiya aron masiguro ang kamatuoran ug kredibilidad sa testigo.
Photo Courtesy: Politiko
