Mitaliwan na ang aktres nga Sue Prado niadtong Abril 14, 2026 sa edad nga 44. Gikompirma sa iyang pamilya ang balita pinaagi sa social media ug nagpadayag sa ilang kasubo sa iyang pagkamatay.
Nailhan si Sue Prado isip usa ka batikang aktres sa indie ug mainstream nga mga obra. Nakabida siya sa mga salida sama sa Thelma, Madrasta, ug Desperada. Nakita usab siya sa mga teleserye sama sa FPJ’s Ang Probinsyano ug FPJ’s Batang Quiapo.
Nihatag usab og pasidungog ang AKTOR – League of Filipino Actors alang kaniya, ingon pagpasalamat sa iyang kontribusyon sa industriya sa showbiz.
Gikabutyag nga sa iyang katapusan nga mensahe, gipahinumduman niya ang tanan nga mubo ra ang kinabuhi, mao nga importante nga ipakita ang gugma ngadto sa mga mahal sa kinabuhi samtang may panahon pa.
Photo Courtesy: The Sunday Guardian
