Nagsugod na kaniadtong Abril 15, ang Play-In Tournament sa National Basketball Association (NBA), ang timaan sa pagtapos sa regular season ug ang hingpit nga pagsugod sa postseason sa 2026 Playoffs. Ang Play-In ang mahimong dalan aron matino kon kinsa nga koponan ang makakuha sa spot No. 7 ug No. 8 sa Eastern ug Western Conference sa dili pa ang Playoffs.
Sa unang adlaw sa torneyo, nag-abot ang Charlotte Hornets ug Miami Heat sa East, samtang nag-atbang usab ang Phoenix Suns ug Portland Trailblazers sa West. Ang modaog tali sa Hornets ug Heat adunay tsansa nga makig-away sa ikawalong dapit sa East, samtang ang modaog tali sa Suns ug Blazers mahimong ika-pito sa West.
Sa sunod nga adlaw, gikatakda usab nga mag-abot ang Philadelphia ug Orlando Magic diin ang modaog awtomatiko nga makasulod sa playoffs. Sundan kini sa dula tali sa Golden State Warriors ug Los Angeles Clippers nga usa ka do-or-die game.
Dungan niini, nangandam na ang tibuok NBA alang sa hingpit nga pagsugod sa Playoffs ug 2026 Finals inig abot sa Hunyo. Ang Oklahoma City Thunder ang nagsilbing defending champion nga sa kasamtangan nagkupot sa pinakanindot nga record.
Photo courtesy: NBA
