Dili na kinahanglan mag-gym aron magka six-pack—kay karon, pwede na nimo “isuot” ang lawas nga pang-bodybuilder!
Sa China, viral karon ang muscular body suits nga gihimo sa Smitizen—usa ka klase sa silicone costume nga kung isul-ob nimo, murag instant ka mahimong fitness influencer!
Kini nga body suit kompleto na—naa nay abs, chest, ug veins nga murag hapit na mo-“pop out”! Ang uban gani, naa pay artificial body hair aron mas realistic—murag gikan ka og 10 ka tuig nga workout… bisan gikan ra diay ka sa higdaanan!
Mapalit kini sa online platforms sama sa Taobao ug AliExpress, nga ang presyo moabot gikan ₱6,000 hangtod kapin ₱30,000—depende kung gusto ba nimo “basic abs” o “full superhero package”!
Sa una, gigamit lang kini sa mga salida aron palig-on tan-awon ang mga artista, pero tungod sa modernong teknolohiya sama sa 3D printing, bisan kinsa karon pwede na mahimong “instant macho.”
Apan adunay challenge—kung imong higala moingon, “grabe kaayo imong muscles,” ayaw lang kalimot nga basin matandog ug mahibaw-an nga murag goma diay!
Busa mga Kajuander, kung ganahan kag lawas pang summer pero dili ganahan og exercise—naa nay shortcut… pero ayaw lang kalimot, ang tinuod nga kusog, dili mapalit online.
Photo courtesy: Oddity Central
